Memories / बिगतका सम्झनाहरु

Some old stuffs that we grew up with, that today's generation will have no idea of. Most of them in working condition and were collected by my father Krishna Man Joshi

अहिलेको पुस्ताले थाहा नपाउने हाम्रो पालाको पुराना समानहरु । धेरै जसो समानहरु प्रयोग मिल्ने अवस्थामा रहेका छन् । धेरै जसो समान मेरो बुबा कृष्ण मान जोशीबाट संरक्षण गरिएको ।
 

 

 

अहिलेको पुस्ताले थाहा नपाउने हाम्रो पालाको पुराना समानहरु । धेरै जसो समानहरु प्रयोग मिल्ने अवस्थामा रहेका छन् । धेरै जसो समान मेरो बुबा कृष्ण मान जोशीबाट संरक्षण गरिएको हो। यी सामानहरुको संकक्षिप्त बिवरण तल उल्लेख गरिएको छ।

 

Black & White TV / श्याम श्वेत टि.भी
यो टि.भी वि.स २०४५ मा मेरो बाजे नरेन्द्र लाल मास्केको पहलमा मामा  संजिव लाल मास्केले रु ४६००मा किन्नु भएको थियो । यहि टि.भीमा हामी हाम्रो बल्यकालमा ५ बजे बाल कार्यक्रमको प्रतीक्षा गरथ्यौ । र यहि टि.भीमा रामायण, महाभारत, टाढाको बस्ति, चक्रब्युह, १५ गते जस्ता कार्यक्रम हेरेर रमाईलो गर्ने गरथ्यौ ।

Video Game भिडियो गेम
काठमाडौँमा हुर्केको ९०को दशकको युवाहरुमाझ यसलाई नचिन्ने कमै होला
१९९० दशकको उत्तरार्द्धको वर्षहरुमा बजारमा आएको यो टि.भी भिडियो गेम हामी जस्तै भर्खर युवावस्थामा टेकेकोहरुको अत्यन्त प्रचालित मनोरंजनको माध्यम हुने गर्दथ्यो । येही गेमले हामीलाई बाहिर बाट भित्र ल्यायो र घन्टौ टि.भी को अगाडी राख्यो ।
Courtesy: Bishal Maskey

रील वाला क्यामरा / 35mm Film Roll Camera
यो हालको डिजिटल क्यामरा भन्दा अधि प्रयोग हुने कोनिका कम्पनीको साधारण क्यामरा हो । यसमा प्रयोग हुने ३५mm को रिल बाट करिब ३६ वटा फोटो खिच्न सकिन्थ्यो जसले गर्दा हरेक फोटो महत्वका साथ खिचिन्थ्यो । फोटो कस्तो आयो भन्ने कुरा चाहिँ फोटो धुलाई सके पछि थाहा पाइन्थ्यो । यसको एउटा बिशेषता भनेको यो प्रयोग गर्न ब्याट्री आवश्यक पर्दैनथ्यो [फ्ल्यास प्रयोग गर्न बाहेक]। फोटो त्यति राम्रो नआएता पनि मेरो बाल्यकाल येही क्यामराले कैद गरेको छ ।

फिलिप्स रेडियो / Philips Radio
यो रेडियो बि.स २००९ सालमा बाजेले लिनु भएको थियो । यो त्यस्तो समय थियो जुन बेला रेडियो राख्नलाई लाइसेन्स लिनु पर्थ्यो । यो रेडियोको लाइसेन्स यहि फोटो पछि संकलन गरिएको छ । स्मरण रहोस रेडियो नेपालको मिडियम वेभ प्रसारण २००७ साल चैत्र २० गतेवाट शुरु गरिएको थियो।
ठ्याक्क यकिन गर्न नसकिए पनि यो सम्भवत सन् १९४०को दशक को मोडेल भन्ने अनुमान गर्न सकिन्छ ।
मिडियम वेभ मात्र चल्ने यो रेडियो भ्याक्युम ट्युबमा आधारित छ र अलि पुरानो अवस्था भए पनि अहिलेसम्म चालु अवस्थामा छ

सोनी TR-१००० रेडियो
यो सोनीको सन् १९६२ देखि १९७०मा निकालिएको मोडेल हो । यसमा ४ वटा ब्याण्ड [ ३ वटा सर्ट वेभ र १ मिडियम वेभ] रहेको छ । यो रेडियो ट्रान्जिस्तर मा आधारित हुनुका साथै प्रस्ट आवाज दिने बिशेषता रहेको छ ।

नेसनल प्यानासोनिक ट्रान्जिस्तर
जापानिज 'नेसनल प्यानासोनिक' नेपालमा चाइनिज समान विस्तार हुनु अघि निकैनै प्रचलित ब्रान्ड हुने गर्दथ्यो । त्यहि ब्रान्डको यो मिडियम वेभ रेडियो जसबाट बुबाले आफु संगै संगै 'रेडियो नेपाल' लग्न सक्नु भयो । यो दुई वटा डबल ए ब्याट्री बाट संचालित हुने गर्दथ्यो ।

वाक म्यान / Walk Man
आफु संग बोकेर संगीत सुन्नलाई क्यासेट बजाउने साधन
यो ८०को दशकको सोनीको पुरानो मोडेल हो । यसमा दुइवटा बेट्री चाहिने हुदा बिरलै बाहिर प्रयोग गरियो तर घरमा एद्यापटरबाट [Adaptor] चै धेरै सुनियो । अहिले समय संगै यसको रिवन गई सकेको छ ।

 

वाक म्यान / Walk Man
यो सोनीको सन् ९०को दशकको अन्तिम तिर निस्केको वाक म्यान हो । एक दमै सानो हुनुको साथ साथै एउटा मात्र ब्याट्री बाट चल्ने यो वाक म्यानको विशेषता हो ।

क्यासेट / Cassette
पहिलेको संगीत सुन्ने माध्यम । अहिले ढाकाको पसलहुनु अगाडी पहिले भेडासिंग पुरै यी क्यासेट पसल हरुले भरिएको थियो । जहाँ सन् २०००को दशक सम्म अंग्रेजी क्यासेट १०० र नेपाली ६०-७० सम्म किन्ने गरिन्थ्यो अथवा खाली क्यासेट मा एउटा गीतको रु ५को दर ले भरिन्थ्यो ।

टाइप राइटर / Type Writer
कम्पुटर भन्दा अगाडी केहि औपचारिक पत्र अथवा खुराक तयार गर्नु परे येही टाइप राइटर प्रयोग गरिन्थ्यो । यो बुबाको बोकेर लानु मिल्ने [portable] टाइप राइटर हो जसलाई उहाले आफ्नो कार्यलयसम्बन्धी काम गर्न प्रयोग गर्नु हुन्थ्यो सन् ८० र ९० को सुरुवाती वर्ष सम्म । यो ओलम्पिया कम्पनीले १९७८मा निकालेको मोडेल हो र अझै पनि प्रयोग योग्य अवस्थामा रहेको छ ।

नोकिया ११०० / Nokia 1100
मेरो पहिलो मोबाइल । यो संसारको सर्बाधिक बिक्रि हुने मोबाइल पनि हो । २००७ मा चलाउन सुरु गरेको मोबाइल पछि नयाँ प्रभिधि आएसंगै फेरे पनि यो भने आहिले सम्मनै सुचारु अवस्थामा छ ।

 

 

नोकिया ५२० / Nokia 520
यो विन्डोज फोन मध्ये सर्वाधिक लोकप्रिय र बिक्रि भएको मोबाइल हो । यो फोन सन् २०१३ मा निकालिएको थियो भने यसलाई मैले २०१४ प्रयोग गरेको थिए तर नोकियालाई माइक्रोसफ्टले किनेको केहि वर्षामा नै यो प्लेटफार्म बन्द भयो ।

Rotary Telephone / डायलवाला टेलिफोन
यो सन् ८०को दसकको फोन हो । यसबाट फोन गर्नु परे डायल धुमाएर फोन गर्नु पर्थ्यो । अहिलेको डिजिटल जमानामा पनि यो फोन चली नै रहेको छ ।

Floppy Disk
These floppy disk were the only way to transfer data all the way upto mid 2000 . It had a storage capacity of 1.44M which was OK back then but later became insufficient and were replaced by CD-R in early 2000 which were again replaced by USB drives. They were slow and sometimes unreliable.
That startup disk was what I use to install windows 98 on my and my friends PC.
यसको प्रयोग हाल हराई सके पनि, विभिन्न कम्प्युटर प्रोग्रामहरुमा सेभ बटनको रुपमा यो प्रयोग जीवित रहेको छ

 

 

 

Fountain Pen / फाउनटेन पेन
बल पेन आउन अगाडी हामी स्कुलमा पढ्दा प्रयोग गर्ने पेन । यसमा मसी भरेर प्रयोग गर्नु पर्थ्यो जसको लागि हामी त्यो बेला चेलपार्क [Chelpark] मसी प्रयोग गर्थ्यौ । यो पेन अलि सस्तो हुने गरथ्यो तर हातमा मसी लाग्ने कारणले गर्दा सुरुवाती दिन हरुमा मात्र प्रयोग गरिन्थ्यो ।